返來啊~~~!!

英超聯經已塵埃落定,以車仔今屆表現,佢0地係值得0既!

我係一個死梗曼聯Fans,由以前每逢星期六日"捕"係電視前等睇波,到依家曼聯對阿仙奴都唔會特登睇,一來自己越來越忙,二來覺得曼聯已經俾唔到驚喜球迷,你永遠估到佢0地0既表現,究竟點解呢?

以前0既曼聯,大部份骨幹由青訓已經一齊,大家合作無間,成班生"故"仔(quote from 桂哥 -_-;),好氣好力,再由大阿哥簡東拿及堅尼帶領之下,快速小組行軍,鬥心十足,以前睇曼聯,就算對阿仙奴落後一球,你都唔知點解,覺得佢o地一定可以追番,但係依家,就算對諾域治我都驚輸...

我諗,曼聯巳經到o左一個青黃不接0既階段,堅尼,傑斯及史高斯年紀漸大,狀態下滑,又冇一個合適及有份量0既新MF,雲佬及一總FC因為冇中場輸送引致入球大量下降...我諗曼聯好清楚自己的弱點,好希望佢0地可以係06年痛定思痛,俾返D"曼聯式"0既足球我0地睇,MU,返來啊~~~~~!!


Image from manutd.com copyright reserved.

p.s. 費sir,夠啦,你幾年前應該見好就收啦....-_-;